Indi eon magbaton ro Department of Social Welfare and Development (DSWD) it walk-ins para sa pagpanupod it educational cash assistance sa mga indigent students para malikawan ro crowding sa payout sites.
Suno kay DSWD Secretary Erwin Tulfo mag-euwas sa online puweding magrehistro pamaagi sa QR code ukon text kung owa it gamit nga smartphone.
Gintawag man it sekretaryo nga blessing in disguise ro natabo nga aberya ko nagtaliwan nga Sabado sa educational payout para gamiton ro digital system nga una eon man nga ginpahayag it Pangueong Ferdinand Marcos Jr nga pagahimuon nga digitalize ro government transactions ag hayra eon sigon ro umpisa.
Ginklaro man ni Tulfo nga makabaton it text message ro mga applicants maghalin sa DSWD kung hin-uno sanda maga-agto sa payout sites nga pagatumuron it LGUs ag tawgan ro mga benepisyaryo sa alphabetical order.
