Gin-aprubahan eon it Department of Trade and Industry (DTI) ro pagtaas sa presyo it pilang ka mga nagapanguna nga baligya.
Maabot kapin sa 82 nga mga produkto ro hapatigayon nga taw-an it go-signal it DTI para ipatuman ro pagtaas it andang presyo.
Suno pa sa DTI nga sa kabilogang 218 stock keeping units (SKU) hay gina eakutan raya it 136 ukon 62% nga mga owa nagtaas it andang preyo.
May una eamang sigon nga “minimum increase” ro ginapatuman sa nagapabilin nga 38% ukon 82 SKU.
Pila sa mga produktong may minimum nga pagtaas partikular ro tinapay, sardinas, potable bottled waters, processed milk, instant noodles, kape, asin, sabong pang-eaba, kandila, harina, processed ag canned pork, processed and canned beef, eanggaw, patis, toyo, toilet soap ag batteries.
May 2% eamang asta it 10% ro gintaas it andang mga presyo.
Dugang pa it DTI nga ro nasambit nga presyo hay mas manaba pa kumpara sa presyo sa world market.
