Dueonggan it Russian tourist sangkiri eang mapingas it kaparehong Russian sa Boracay

KALIBO, AKLAN – Haeos mapingas ro dueonggan it sangka Russian tourist matapos nga eampusan it pusa nga baso it kaparehong Russian national samtang naga-inuman sa sangka bar sa isla it Boracay.

Ginkilaea ro biktimang si Alex Ipatyev, 30, samtang ro suspek hay si Lydia Morrison, 35, parehong taga-Russia ag nagabakasyon eamang sa isla.

Base sa report it Boracay Tourist Assistance Center (BTAC), samtag naga-inuman ro daywa hay nakaangkon it uwa pagkailintindihan kon sa siin ginbueo sigon it suspek ro baso ag gin-eampusan ro biktima.

Nasayuran nga mag-amiga ro daywa ag magkaibahan nga nagbakasyon sa isla.

Matapos ro insidente, insigidang nagpaeagyo si Morrison samtang si Ipatyev hay gindaea sa sangka klinika sa isla.