Gin-aprubahan it Department of Budget and Management (DBM) ro P2,000 across the board nga umento sa honoraria it mga guro ag poll workers nga magserbe sa 2025 midterm elections sa adlaw it Lunes, Mayo 12.
Sa sangka pahayag, hinambae ni DBM Sec. Amenah Pangandaman nga raya hay alinsunod sa direktiba ni Pangueong Ferdinand Marcos Jr.// suno sa opisyal, ro bag-ong honoraria rates para sa mga magaserbe nga electoral board chairperson hay P12,000 halin sa dating P10,000.
Makabaton man ro poll clerk ag 3rd member it P11,000 honoraria halin sa dating P9,000 samtang ro support staff mat’a hay makabaton eon it P8,000 halin sa dating P6,000.
Suno sa ahensiya, nagtaeana it P7.4 billion sa 2025 General Appropriations Act (GAA) para sa sweldo it mga poll worker.
Base sa data it Commission on Elections (Comelec), ginpahayag it DBM nga una sa 758,549 ro kabilugang numero it poll workers para sa national ag local elections.
Ginengganyo man ni Sec. Pangandaman ro poll body nga siguraduhon nga ma-buoe it mga guro ag poll workers ro andang compensation nga insigida kun posible.
