Nagsueod eon ro ‘ber’ months.
Sa pihak it mga isyu ag problema, kabay nga indi mapierde ro espiritu it Kapaskwahan.
Maskin nga waea-tuo ro pagtaas sa presyo it mga nagapangunang baeak-eon ag sukot sa mga serbisyo , kapit eang.
Kun paalin naton nga naeampasan ro grabeng bagyo, linog ag pandemya tuga it COVID-19, siguradong makatibawas man sa krisis nga gina-agihan naton makaron.
Nagataas ro presyo it petrolyo, apektado ro kahimtangan it transportasyon, ginatamaan man ro supply it pagkaon ag iba pang produkto, apang nagabilin kita nga mapag-on.
Sangka pamatuod nga masarangan pa.
Magpadayun eang, obrahon ro tama ag mayad.
Magsalig sa proseso ag amat-amat hay makahaw-as man kita.
Hasta nga may klaru kita nga direksyon sa kabuhi, maabu man nga pagsubok ro nagadungan, masarangan naton nga maka-abot sa atong mga katuyuan.
Makaron ro tiempo agud nga mas maipakita naton ro kapag-on ag diskarte nga may una kita.
Siyempre raya hay bukon eamang para sa kaugalingon ag pamilya, kundi para sa atong isigkatawo.
Obrahon naton nga mas mapuslanon ro Kapaskwahan.
Indi naton kinahangean nga maging manggaranon agud nga magbulig ukon maging opisyal agud nga makaserbisyo, ipursige eang naton .
Bukon eamang sa materyal nga bagay maipakita ro pagtau, kundi maging sa pag-share it kasadyahan ag mga positibong panan-awan sa kabuhi.
Sug-aeawon naton ro ‘ber’ months it maugan sa pamatyagan.
Kumbaga, ro problema, una eamang , indi matapos-tapos rason nga indi pag-ubuson ro oras sa pagkabaeaka .
Kadungan it pag-obra it solusyon, i-enjoy man naton ro kabuhi kaibahan ro pamilya ag mga amigo.
