Sangka driver sa Kentucky race track ro nakahimo it Guinness World Record matapos nga i-maneho ro anang saeakyan nga Corvette it paatras sa kaeayuon nga sang milya sa sueod it 75.18 seconds.
Naagaw ni Scot Burner ro record para sa pinakamadasig nga pagmaneho it paatras nga ginpatigayon sa National Corvette Museum’s NCM Motorsports Park sa Bowling Green.
Suno kay Burner nga makapilang beses nana nga gin-practice ro reverse-driving capabilities sa nagkaeain-eain nga saeakyan apang napilian nana nga imaneho ro anang 2017 Corvette para sa record attempt.
Naeampasan nana ro dating record nga nagbuhay it 97.02 seconds.
Ginpahayag dugang nga gindesisyunan ni Burner nga ipursige ro anang record attempt matapos nga masayuran nga ro dating record hay natigayon eon nana nga ma-testingan .
Inabot suno kana it daywang dag-on antes nga masiguro nga ro tanan nga rules it Guinness World Records hay masunod sa anang attempt.
