BALITANG Espesyal — Nakalista it world record ro sangka eaeaki sa Las Vegas, U.S.A. bangud sa ikasarang it anang mga eye sockets nga magbira ukon magguyod it mga mabug-at nga bagay!
Ginkumpirma it records keeping organization nga Guinness World Records nga si Andrew Stanton ro pinakabag-ong record holder it titulong “Heaviest Weight Pulled with Eye Sockets”.
Raya hay bangud nga masarangan nana nga maguyod ro sangka saeakyan nga Cadillac nga may sakay nga sangka tawo pinaagi eamang sa pagsab-it it metal hook sa magtimbang nga parte it anang eye sockets.
May bug-at ro mga raya nga 5,319 pounds.
Mag-eowas kara, nabaton man ni Stanton ro titulong “Heaviest Weight Lifted with Both Eye Sockets while Swallowing a Sword’.
Raya hay matapos nana nga maguyod ro anang assistant nga may bug-at nga 129 pounds samtang may gina-um-um imaw nga espada.
