Sangka eaeaki sa Idaho, USA ro nakabaton it Guinness World Record title bangud sa anang abilidad nga magpalobo it 10 balloons gamit ro anang ilong!
Agud nga i-promote ro STEM education sa mga pamatan-on, nakalista eon it 249 Guinness World Record titles ro engineer nga si David Rush.
Para sa anang ika-250 Guinness title, ginhana nana nga maangkon ro titueong “Most balloons inflated by the nose in one minute”.
Dag-on 2017 pa ginhana ni Rush nga makuhit ro nasambit nga titueo bangud sa allergy ag sipon, napan-ewan imaw nga mapiyerdi ro record holder nga si Ashrita Furman nga nakapagpalobo it siyam nga balloons.
Makaron nga Agosto 2022, naging madinaeag-on si Rush nga makapagpalobo it 10 balloons gamit ro ilong sa sueod it sang minuto.
Bangud sa kaabuon it mga naangkon nga world record title ni Rush, ginbansagan imaw bilang “serial record-breaker” it Guinness.
Pila sa mga world record titles nga imaw ro may buyot hay ro: Most consecutive axe juggling catches, Most apples thrown and caught in mouth in one minute, Most toilet paper rolls balanced on the head ag mabau nga iba pa.
