Sangka eaeaki sa Japan ro nataw-an it katumanan ro handum nga mag itsurang sapat sa balor nga 2 million Yen ukon katumbas it P823,000 pesos.
Nag-trending sa Japanese netizens ro Twitter user nga si @toco_eevee matapos nana nga ipost ro anang litrato nga suksok ro minatuod nga costume bilang ayam nga “Colie” sangka mabahoe nga breed it ayam.
Himo it kompanyang Zeppet ro costume ni @toco_eevee nga inabot it masobra sa 40 diyas agud nga maobra ro costume.
Suno sa sangka local Japanese news outlet, kilaea ro Zeppet nga naga-obra it mga sculpture para sa mga pelikula, TV dramas ag commercial.
Naga obra man sanda it costume ag mga mascot it amusement parks.
Suno kay @toco_evee, mabuhay eon imaw nga pet lover rason nga gusto nana nga maexperiensiyahan kon paalin nga maging sangka sapat.
Ginpili nana ro ayam nga Colie bangud nga sambilog raya sa mabahoe nga breed nga magiging matuod kon isuksok nana bilang costume.
Mag-eowas sa Twitter, matan-aw man si @toco_eevee sa Youtube kun sa siin makitang suksok nana ro anang costume samtang nagasabat sa mga pangutana it anang mga subscribers.
