Sangka eaeaki halin sa Nebraska ro nagselebrar it anang 60th birthday pinaagi sa pagbugsay sa Missouri river sakay eamang it baroto nga himo sa mabahoe nga kaeabasa.
Pag-abot it 60th birthday ni Duane Hansen, gin-umpisahan nana nga magbugsay sa Missouri river sa Bellevue sakay it baroto nga kaeabasa nga ginpangaeanan kay ‘‘Berta’’.
Sa sueod it 11 oras, nagbugsay imaw it masobra sa 38 miles hasta nga makaabot imaw sa Nebraska City.
Nagtambong ro mga Bellvue city official sa anang launching ceremony ag gintaw-an imaw it mga raya it congratulatory message sa Facebook kat matapos nana ro anang pagbiyahe.
Mag-eowas nga gustong i-challenge ni Hansen ro kaugalingon ag pamatud-an nga masarangan pa nana nga magbugsay it maeayuan nga distansiya, gin-obra nana raya agud nga maangkon ro Guinness World Record title nga “Longest Journey by Pumpkin Boat”.
Ro previous record sa nasambit nga titulo hay 25.5 miles nga natabu ko 2016.
Sa makaron, ginsumite eon ni Hansen ro anang mga ebidensiya it anang world record attempt ag ginaeauman nga sa masunod nga mga binuean hay maeakip imaw sa Guinness Book of World Record.
