Sangka 38-anyos nga beterinaryo halin sa Massachusetts, U.S. ro nakalista it bag-ong Guinness World Record matapos makakaon it 48 gummy bears gamit ro cocktail stick sa sueod eamang it sang minuto.
Naeampasan ni Matthew Powers ro dating rekord nga 38 bilog nga buyot it sangka Austrian record holder. Nailista ro anang kadaeag-an ko Abril 4 sa Norwell, Massachusetts.
Bago ro record attempt, nagpaidaeum si Powers sa pauman-uman nga training ag gin-testingan ro nagkaeain-eain nga klase it gummy bears agud matumod ro pinakamayad nga gamiton. Sa training, umaabot eamang imaw sa 36 bilog, apang nahimo nana nga makakaon it 48 gummy bears sa mismong opisyal nga paghana.
Suno sa report, mabuhay eon nga handum ni Powers nga maeakip sa Guinness World Records. Naging kaparte man it anang kadaeag-an ro suporta it anang asawa ag tatlong unga, nga nakasaksi sa anang record-breaking performance.
