Naghinay sa 5.2% ro daeagan it pag-umwad it ekonomiya it Pilipinas ko ikatlong kwarter it 2024 kumpara sa revised economic growth ko ikaywang kwarter nga kapin sa 6.4%.
Suno sa Philippine Statistics Authority (PSA), nagapangunang rason it mas mahinay nga pag-umwad it ekonomiya it nasyon ko ikatlong kwarter ukon halin Hulyo hasta Setyembre hay ro epekto it pagtama it El Niño ag magkasunod nga bagyo.
Nagdaea raya it 5.8% nga pag-umwad it gross domestic product (GDP) it nasyon para sa unang 3 kwarter it 2024, maskin manaba pa raya it sangkiri sa target it gobyerno nga kapin sa 6% hasta it 7% para makaron nga dag-on.
Paathag ni PSA chief USec. Dennis Mapa nga nakalista it pinakamataas nga kontribusyon sa GDP ukon kabilugang haega it mga produkto ag serbisyo nga na-produce sa nasambit nga period hay ro service sector nga kapin sa 4.1%.
Samtang, ginpahayag ni National Economic Development Authority Secretary Arsenio Balisacan nga kinahang-ean mapaumwad ro ekonomiya it nasyon sa 6.5% sa ulihing kwarter it dag-on para maabot ro target growth kara para sa 2024.
Pla sa mga raya hay ro pagpatawhay it inflation ag interest rates sa nasyon.
