Naghinay ro pag-umwad it ekonomiya it Pilipinas sa 2.3 porsiyento sa second quarter it 2026, mas manaba sa 2.8 porsiyento ku unang quarter ag 5.4 porsiyento sa kaparehong tyempo ku nagtaliwan nga dag-on.
Raya ro pinakamahinang GDP growth it nasyon sa sueod it 16 anyos, bukon it kaibahan ro tyempo it pandemya.
Umabot eamang sa 2.6 porsiyento ro average GDP growth sa unang katunga it dag-on, mas manaba sa target it gobyerno nga 3.5 hasta 4.5 porsiyento.
Naging pinakamahinay man ro pag-umwad it ekonomiya it Pilipinas sa Southeast Asia, samtang tumaas sa 66 porsiyento ro debt-to-GDP ratio.
Tumaas man it 12.2 porsiyento ro exports, samtang ginaeaumang magasuporta sa pag-umwad it ekonomiya ro mas mataas nga paggastos it gobyerno sa imprastraktura sa second half it dag-on.
