Medyo “waiting game” euman sa fans ni Erich Gonzales para sa kumpirmasyon it aktres kung ginkasae eon baea imaw sa longtime non-showbiz boyfriend.
Makaron eamang nga hapon kat mai-post it paryente it groom nga si Andres de Leon Lorenzo sa anang Instagram Story ro litrato it kasae it 31-year-old actress kay Mateo Lorenzo, apisar nga owa it caption ag insigida man nga ginpaea.
Kapareho sa naisapubliko nga litrato ko nagtaliwan nga buean nga wedding banns ukon papel nga anunsiyo it simbahan, tugma ro wedding venue sa St. James the Great Parish sa Alabang, Muntinlupa City.
Kulay black and white ro nasambit nga litrato apang klaro nga nakasuksok it Barong Tagalog si Mateo kaibahan ro anang bride sa atubang it altar.
Dag-on 2018 kat ipahayag ni Erich nga imaw hay “single but not available.”
Ginasugid nga negosyante ag unga it presidente it sangka sikat nga food franchises ro napangasawa it aktres.
May una man sigon nga sugar-milling business ro pamilya ni Mateo.
