POLICE Report — Patay ro sangka babayeng estudyante kat mahueog sa building it sangka unibersidad sa Ermita, Manila.
Sa bo-oe it CCTV, nakita ro pagkahueog it biktimang 23-anyos halin sa Quezon City sa ika-ap-at nga panaegan it CIE Building it Technological University of the Philippines (TUP).
Base sa panaysayon it lady guard it unibersidad, nakabati eon lang imaw it mabaskog nga eagabong halin sa ibabaw bandang alas-9:23 it agahon it Biyernes.
Dikara hay naalarma imaw ag gin-usisa ro ginhalinan it eagabong kon sa siin nadiskubrehan nana ro nagahamyangon nga eawas it estudyante.
Insigida nana nga gin-radyo sa anang mga kaibahan ro natabu ag sa estasyon it pulisya pagkatapos hay gindaea sa Manila Doctors Hospital ro babaye apang gindeklarang owa eon it kabuhi.
Padayun pa ro maid-id nga imbestigasyon it kapulisan sa insidente.
