Padayon ro ginahimo nga imbestigasyon it Ibajay Municipal Police Station sa nagtuhaw nga shooting incident ku Abril 24 sa Brgy. Poblacion, Ibajay nga ginkamatay it sangka 37-anyos nga eaeaki.
Suno kay PCpt. Aubrey Ayon, public information officer it Aklan Police Provincial Office (APPO), may person of interest eon ro Ibajay MPS sa natabo nga insidente.
Dugang pa kara, nadiskubrihan man nga ro narekober nga baril sa belt bag it biktima hay uwa it dokumento nga naga-angot sa biktima.
Sambilog sa gina-tan’aw nga angulo it insidente ro pag-daea it biktima it baril sa lugar kun konektado raya sa pag-baril man kana.
Sa makaron, uwa pa it opisyal nga resulta sa mga ginpatigayon nga eksaminasyon sa biktima apang nagapadayon ro imbestigasyon sa naging motibo it pag-baril sa biktima.
Samtang, sa pihak it nasambit nga insidente, makabig sigon sa gihapon nga generally peaceful ag matawhay ro probinisya it Aklan.
Paathag dugang ni PCpt. Ayon, uwa naga-pabaya ro mga kapulisan sa pagpabilin it katawhayan sa probinsya.
