Mainit nga ginsug-aeaw it Filipino Community sa Singapore si Pangueong Ferdinand Marcos Jr. bilang kaparte it anang state visit.
Sa anang diskurso, gin-insister kara nga ginatun-an eon it gobyerno ro mga nagakadapat nga programa para sa mga overseas Filipino workers nga makauli eon ro mga raya it Pilipinas ag iya eon lang magtrabaho.
Suno kay Bombo International Correspondent Elizabeth Capili, apisar nga nakontento eon lang imaw sa pagtan-aw sa social media sa naging pagbisita ni Pangueong Marcos hay nabatyagan gihapon nana ro mainit nga presensya it presidente sa pakikipag-istorya sa mga Pinoy.
Uwa suno kana imaw nakatambong sa programa bangud nga limitado eamang ro pwede nga mag-atendir matapos nga strikto gihapon nga ginapatuman ro covid-19 protocol sa nasambit nga nasyon.
Nagtinguha man sigon imaw nga makaparegistered apang ulihi eon nakit-an ro link para maka-access nga ginprovide it embahada.
Nasayuran nga magatapos makaron nga adlaw ro pagbisita ni Marcos sa nasambit nga nasyon.
