Ginpasiguro it Malacañang nga maga-doble kayod pa ro gobyerno para padayun nga masoluyunan ro problema sa gutom ag kapigaduhon sa nasyon.
Ginpahayag raya ni Presidential Spokesperson ag Communications Sec. Martin Andanar matapos nga magguwa sa resulta it Social Weather Station (SWS) survey nga ginpatigayun ko Disyembre 12 hasta 16 nga 11.8 percent it mga pamilyang Pilipino hay naka-eksperyensya it gutom sa ulihing quarter it 2021.
Nagguwa sa natungdan nga SWS survey nga ro numero it mga pamilyang Pilipino nga naka-eksperyensya it gutom sa last quarter it 2021 hay mas mataas it 10 percent ukon katumbas it 2.5 million pamilya nga nailista sa third quarter it nagtaliwan nga dag-on.
Apang, raya hay mas manaba kumpara sa 16.8 percent nga nailista ko Mayo 2021 ag 13.6 percent ko Hunyo 2021.
Suno kay Andanar, ginakonsidera it Malacañang ro mga numero ngara bilang klaro nga indikasyon it positive impact it mga programa it Inter-Agency Task Force on Zero Hunger.
