Ginpiyerdi ni Gennady Golovkin si Japanese boxer Ryota Murata sa ika-siyam nga round.
Sa unang limang round hay buyot it Japanese boxer ro abanse kung siin nagpauean pa raya it mga bayo sa beteranong boxer nga si Golovkin.
Pagsueod it ika-siyam nga round hay idtu umarangkada si Golovkin ag ginpatumba si Murata sa hampang nga ginhiwat sa Saitama Super Arena sa Saitama, Japan.
Ginpundo eon it referee nga si Luis Pabon ro hampang sa 2:11 nga oras sa ika-siyam nga round matapos nga magpilak eon it towel ro trainer it Japanese boxer.
Si Golovkin nga may una nga 42 panalo, sangka piyerdi, sambilog nga draw ag may 37 knockouts hay napabilin ro IBF middleweight title ag nabuoe pa ro WBA “Super” 160 pound title kontra kay Murata nga may 16 nga daog, tatlong piyerdi ag 13 knockouts.
Bangud sa kadaeag-an it Kazakhstan boxer hay sigurado eon ro paghampang kara sa ikatlong kahigayunan kay Canelo Alvarez sa Setyembre.
