Bangud sa paboritong prutas nga ubas, natuga ro sangka vineyard it sangka binatilyo sa Numancia, Aklan.
Pahayag ni Engr. John Axl Gonzales nga bangud nga raya ro uwa nana nasawaan nga prutas imaw nga raya ro anang hapili nga itanom sa bulig ag suporta mna it anang bilog nga pamilya.
Pagpaathag it vineyard owner nga para kana bukon it malisod patubuon ag alagaan ro nasambit nga prutas bangud nga hilig nana raya halin it high school pa imaw.
Pagsaysay man nana nga dedicated imaw ag gusto nana ro anang naubra, ngani nga ginatinguhaan nana nga usuyan it paagi ag magresearch para sa ikamayad it nasambit nga prutas.
Pagpakigbahin ni Engr. Gonzales nga indi pa kaya ku andang vineyard ro demand ag kueang pa sigon ro supply nanda kung siin nga sanda pa eamang mismo ro pwede nga makabueo.
Masayuran nga pormal nga binuksan ro Axl’s Vineyard ku Disyembre 3, 2023.
