Haeos 900,000 nga mga eapsag, target mabakunahan sa special immunization days nga routine vaccines

Target it gobyerno nga mabakunahan ro kapin sa 80% it 1.1 milyon nga mga unga sa nasyon.

Suno kay DOH Undersecretary Maria Rosario Vergeire, tuyo nanda nga maabot ro 880,000 numero it mga eapsag nga naga-edad zero hasta 12 months sa bilog nga nasyon nga owa pa naturukan sa routine immunization.

Bangud kara, magalunsar ro DOH it special immunization days para sa routine vaccines kada ulihing Huwebes ag Biyernes it buean umpisa Abril hasta Mayo.

Sa makarondayang pamaagi suno kana hay mas madali nanda nga mapaeayo ro mga eapsag sa mga baeatian kapareho it polio, measles, tuberculosis ag maabu nga iba pa.