Ginahangkat ni House Deputy Speaker ag La Union Rep. Paolo Ortega V ro mga kritiko ag mamalidha it oposisyon nga magpaguwa it mga ebidensya nga may suhoe ro pagboto para sa impeachment ni Vice President Sara Duterte.
Suno kay Ortega, nagakadapat nga magpaguwa it mga ebidensya ag pangaeanan ro mga pangaean it mga kongresista nga gina-alegar nakabaton it pabor sa pagsuporta sa impeachment ni VP Duterte.
Ginpanindugan ni Ortega nga kun minatuod ro nasambit nga isyu, dapat magpaguwa it sworn statement ro mga nagapakalhit kara ag magpasaka it nagakaigo nga kaso.
Gintaw-an it atensyon it House Deputy Speaker nga kun owa it ebidensiya nga igapaguwa angot sa nasambit nga alegasyon, dapat punduhon eon raya it mga una sa likod kara nga padayon nga nagapakamaeain sa bilog nga Kamara.
Gin-insister pa ni Ortega nga ro himo-himo nga istorya it pagpanuhoe angot sa impeachment ni VP Sara hay owa eamang nagatuga it kahalitan sa trabaho it House Committee on Justice kundi pati man sa Kongreso bilang sangka constitutional body.
