KALIBO, Aklan—Ginpatuman it pamunuan it St. John the Baptist Cathedral ro hugut nga seguridad agud nga masiguro ro kaeowasan ag kamaeayran it mga deboto ag tumueuo nga magasimba kadungan sa pagbisita it imahe it Black Nazarene it Quiapo sa nasambit nga simbahan.
Mag-eowas sa mga ginpakalhit nga kapulisan hay nagdeploy man it mga marshalls ro simbahan.
Suno kay Fr. Tudd Belandres, parish moderator it simbahan nga halin sa Our Lady of the Most Holy Rosary Parish sa banwa it New Washington ag gindaea ro pilgrim image sa Kalibo Cathedral.
Ginakabig man nana nga blessing ro pagbubu it mabaskog nga uean kaina it agahon halin kay Hesus Nazareno.
Ro mga mapas-eawan sigon nga makasunod sa prusisyon bandang alas-4 it hapon hay pwede man nga magtambong sa misa sa simbahan nga pagasundan it vigil ag pahalik nga maga-umpisa alas-7 it gabi-i hasta alas-11 it gabi-i.
Magapadayun ro pahalik pagka-aga it Miyerkules, alas-5 hasta alas-6 it agahon.
Pagkatapos sa Kalibo cathedral, ro imahe hay pagadaehon sa Our Lady of the Most Holy Rosary Parish sa isla it Boracay antes nga igabiyahe pabalik sa Quiapo.
