Itinalaga ng International Criminal Court (ICC) si Judge Luz del Carmen Ibáñez Carranza bilang Presiding Judge sa apela ni dating Pangulong Rodrigo Roa Duterte kaugnay ng kasong The Prosecutor v. Rodrigo Roa Duterte. Ang desisyon ay inilabas noong Oktubre 29, 2025, bilang bahagi ng proseso ng apela laban sa naunang pasya ng Pre-Trial Chamber I.
Si Judge Ibáñez Carranza, hukom ng ICC mula 2018, ay may malawak na karanasan sa karapatang pantao at pag-usig ng mabibigat na krimen. Bago siya italaga sa ICC, nagsilbi siya bilang Senior National Prosecutor sa Peru at humawak ng mga kasong may kaugnayan sa terorismo at crimes against humanity.
Maaalalang inaaresto si Duterte noong Marso 11, 2025 sa bisa ng warrant of arrest ng ICC kaugnay ng imbestigasyon sa kanyang umano’y “war on drugs.” Ayon sa ICC, si Duterte umano ang nagtatag at nagpondo ng mga death squad na sangkot sa pagpatay ng mga hinihinalang sangkot sa ilegal na droga.
