Bilang pagta-o it igtaeopangod sa mga Indigenous People sa probinsya it Aklan.
Ro gobyerno probinsyal hay nagtanyag it scholarship program sa mga IP’s student nga gustong mag-eskwela sa kolehiyo.
Ginpaathag ni Aklan second district board member Jay Tejada, sa raya nga pamaagi hay maestablisar ag maorganize it maayos ro proyekto ag programa it gobyerno kon siin sa ulihi hay sanda eon ro magapaimplementar kara.
Bukon it sa tanan nga oras sigon hay una ro gobyerno para sa pag-alalay kanda kundi tuyo kara nga makatindog sanda sa kaugalingon nanda nga mga siki pinaagi sa bulig it andang tribo.
Nakipag-angot sigon sanda sa nagkaeain-eain nga ahensya it gobyerno partikular sa Philippine National Police ukon PNP agud nga inde sanda masueod it mga terorista bangud nga kaeabanan sa mga raya hay madali nga mapapati.
Raya ro rason kon ham-an it ginaengganyo nanda ro tanan nga IP’s nga mag-avail sa scholarship it gobyerno probinsyal bangud nga mabahoe nga bulig raya bukon eamang it andang pamilya kundi maging sa bilog nga tribu.
Nasayuran nga makaron nga buean it Oktobre hay ginaselebrar ro Indigenous People Month bilang pagkilaea kanda nga kaparte it komunidad.
