Pagaeauman eon ro panibag-ong pagbawas sa presyo it mga produktong petrolyo makaron nga Semana Santa.
Base sa pagboebanta it kumpanyang UNIOIL, kapin sa 20 hasta 30 sentimos ro magiging rollback sa kada litro it diesel samtang 90 hasta P1.00 man sa kada litro it gasolina.
Raya eon ro ikaywang sunod nga oil price rollback matapos magbawas ko nagtaliwan nga domingo ro mga kumpanya it langis it P2.30 hasta P2.50 sa kada litro it gasolina, P1.85 hasta P2 sa kada litro it diesel ag P1.65 sa kerosene.
Apang ikatlo pa eamang raya nga pagpatuman it bawas presyo sa produktong petrolyo makaron nga 2022.
Sa datos it Department of Energy, kapin sa P16 kada litro ro gintaas it gasolina, P26 sa diesel ag P24.10 sa kerosene base sa year-to-date adjustments.
