Posibleng pagakinahangeanon eon it nasyon ro pag-angkat it bugas matapos samaron it bagyong Karding ro kabukiran sa bahin it Luzon nga ginatanoman it mga paeay.
Ginaeauman man ro pagtaas it presyo it bugas bangud sa padayon nga paghina it piso.
Ro pinakaulihing datos it Department of Agriculture (DA) hay nagpakita it danyos sa agrikultura bangud sa Karding nga umabot sa P1.29 bilyon.
Ginpahayag it DA nga gindaeasa it bagyo ro 141,312 ektarya it agricultural areas ag 72,231 metric tons it mga produktong agrikultura sa Cordillera Administrative Region (CAR), Ilocos Region, Central Luzon, Calabarzon ag Bicol.
Suno pa kay DA spokesperson and Undersecretary for consumer and political affairs Kristine Evangelista nga apisar nga bastante man ro rice stocks sa nasyon apang kinahangean sa gihapon nga pahauman ro para sa masunod nga dag-on
Ro nasyon sigon hay ginaeauman nga maka-angkon it year-end rice stock nga nagasakop sa 60-70 adlaw.
