-- ADVERTISEMENT --
Nagpanawagan ro Independent Health Advocate nga si Dr. Tony Leachon nga magbuhi eon sa pwesto si Department of Health (DOH) Secretary Ted Herbosa kaibahan ro pagsambit nana it mga isyu angot sa PhilHealth.
Hinambae man nana ro pilang mga kabaeak-an, kaibahan eon ro kakueangan it subsidiya it gobyerno para sa PhilHealth sa 2025 General Approprations Act (GAA), mga algesyon it saea nga pagdumaea it pondo, ag ro mahinang paglunsar it Universal Health Care (UHC) program.
Gintumod man nana ro report it Commision on Audit (COA) nga nagadetalye it P11.5 bilyong haega it expired nga mga bakuna ag bueong.
Dugang pa nana, nga ro anang paghalin sa pwesto hay makabig nga pinaka-marangal nga kurso it paghueag.
