Ginmandu eon it gobyerno it Indonesia ro pagtugis ag pagpasaka it nagakaigo ga disposisyon sa mga perpetrators nga sa likod it nag-eotad nga stampede sa sangka football match nga ikinamatay it 174 katawo nga ginakabig nga sambilog sa deadliest disasters sa kasaysayan it football.
Madumduman ko nagtaliwan nga Sabado, natabo ro nasambit nga trahedya sa kabisera it Malang kung siin kapin sa 323 katawo man ro nalistang ninahan matapos ro pagpaeupok it tear gas it police officers sa stadium para matapna ro invasion nga nagresulta sa stampede.
Gin-anunsiyo man ni Indonesia’s chief security minister Mahfud MD nga nagbilog eon sanda it task force para sa imbestigasyon ag mapanabat ro mga sa likod it nasambit nga krimen.
Nag-ugat ro nasambit nga insidente matapos nga dumugon it mga fans it home team it Arema FC ro pitch sa Kanjuruhan stadium matapos nga mapiyerdi sa score nga 3-2 kontra Persebaya Surabaya.
Ginsalarawan man it police ro nasambit nga insidente nga sangka riot kung siin daywang police officers ro namatay apang gin-alegar it survivors sa insidente nga overreacting ro ginhimu it mga raya nga nag-resulta it pagkamatay it pilang spectators kaibahan ro 5-anyos nga ongang eaeaki.
