NATIONAL News — Ginaeauman eon nga nagtaas ro inflation ag posibleng ma-breach ro target it gobyerno para sa buean it Hulyo bangud sa mas mataas nga electricity rates ag food prices ag iba pang factor.
Ro projection it Bangko Sentral ng Pilipinas (BSP) sa inflation kun sa siin ro sukatan it rate it pagtaas sa presyo it ‘goods ag services’ hay ginatantiya nga una sa range nga 4.0% hasta 4.8%, mas mataas kumpara sa 3.7% ko Hunyo ag 4.7% ko Hulyo it nagtaliwan nga dag-on.
Ginasugid nga raya ro pinakamataas sa sueod it waeong buean halin sa 3.9% ko Disyembre it nagtaliwan nga dag-on.
Ro presyo it local commercial rice hay halin sa P45.00 hasta P65.00 kada kilogram para sa local commercial rice, samtang halin P49.00 hasta P65.00 kada kilogram para mat’a sa imported commercial rice ko Hulyo 1, 2024.
Sa pihak nga parte, nagsarado man ro Philippine peso sa P58.65 kontra sa dolyar ko Hulyo 30 mas mabaskog sa P58.65 kontra sa dolyar ko July 1, 2024 suno sa BSP.
