Pormal eon nga ginbaton it Bangsamoro Party (BaPa), political party it sangka paksyon it Moro National Liberation Front ukon MNLF, ro resulta it bag-o eamang natapos nga Bangsamoro Parliamentary Elections (BPE).
Nakabo-oe ro BaPa it 35,671 boto ukon 1.9 percent it kabilugan nga boto, mas manaba sa 2.5-percent threshold nga kinahangean agud nga makabo-oe it sangka puwesto sa Bangsamoro Parliament.
Ginpahayag ni MNLF Chairman ag BaPa President Muslimin Sema nga hantup sa tagipusuon nanda nga ginabaton ro resulta it eleksyon ag iga-respeto ro proseso it demokrasya.
Sa pihak kara, nagpahayag si Sema it pagkabaeaka sa mga napabalita nga insidente it kinagamo ag ro gina alegar nga iregularidad sa eleksyon, kaibahan ro pagpamaril maeapit sa polling center sa Cotabato City nga ginkamatay it ap-at nga katawo, pagsabog it granada, pagkadiskubre it mga pre-shaded ballot ag alegasyon it maeapnagon nga vote-buying.
Sa pihak kara, ginpahayag it BaPa nga magapabilin ro andang commitment sa kalinong, seguridad ag kapag-on it Bangsamoro region ag makikipagbueuligan sa bag-ong ilihir nga mga representante it Bangsamoro Parliament.
