Personal nga nag-atubang ku Miyerkules, Setyembre 16, si dating Pangueong Rodrigo Duterte sa pangatlong status conference it anang kasong crimes against humanity sa International Criminal Court ukon ICC sa The Hague, Netherlands.
Raya ro unang pampublikong pag-atubang ni Duterte matapos ro masobra sang dag-on halin kat ulihin imaw nga makita sa paagi it video link ku Marso 2025, kasunod it anang pagkaaresto.
Ginaeauman it korte ro anang personal nga presensya matapos ma-sumite it mga medical expert ro andang evaluation report.
Naka-pokus ro pagpamati sa mga pagpahaom para sa pagbista, kaibahan ro timetable sa pag-atubang it mga testigo ag baeayluhan it ebidensya it magtimbang nga bahin.
Nakataeana man nga pormal nga mag-umpisa ro pagbista sa Nobyembre 30.
Si Duterte hay nagapangatubang sa mga kasong may kaangtanan sa maeapnagon sigon nga pagpatay sa idaeom it anang kampanya kontra ilegal nga droga kat alkalde pa imaw it Davao City hasta sa anang pagkapangueo.
