Kapin sa 13 ka mga insidente it sunog ro nailista it Bureau of Fire Protection ukon BFP halin it Setyembre 1 hasta it 30.// ro datos hay maghalin sa banwa it Banga, Kalibo, Madalag, Numancia, Makato ag Lezo.
Suno kay SFO3 Ricky Domingo, deputy provincial fire director it BFP Aklan, ro rason sa likod it nasambit nga insidente hay electrical connection ag mga naaywanan nga gin-eaha sa kusina.
Ginpahayag dugang nga natapos eon nanda ro imbestigasyon sa mga responded incident kon siin nakit-an eagi ro gintunaan it kaeayo.
Madumduman nga ro ulihing nairekord nga nasunog hay ro sangka sari-sari store sa Brgy. Ibao, Lezo ko nagtaliwan nga adlaw.
Samtang sa pihak nga parte, makaron nga Ber months hay nagpadumdom ro BFP nga magdoble dahan ag maging mabusisi sa ginabakae nga mga christmas lights.
Ginpahayag ni SFO3 Domingo nga kinahang-ean nga may tatak raya nga ICC ukon Import Commodity Clearance ag PS ukon Product Standard bangud makasigurado nga nag-agi raya sa pagsikyar it Department of Trade and Industry ukon DTI antes nga ginpaguwa sa mga baealigyaan ukon establisyimento.
