Nagkasugot ro Iran ag Estados Unidos nga punduhon ro ku kan-o eamang nga kinagamo sa Gulf ag padayunon ro diyalogo angot sa andang away sa Strait of Hormuz, base sa report.
Ro tikang ngara hay nakikitang maga-tapos sa bayluhan it mga pag-atake nga nagapaeag sa andang interim peace agreement.
suno sa sangka senior US official, plano it magtimbang nga bahin nga magpueong makaron nga adlaw it Martes, Hunyo 30, sa Qatar. Apang, uwa pa it opisyal nga pahayag ro White House angot kara sa makaron.
Ro pagbalik it diplomasiya hay kasunod it pilang adlaw nga bayluhan it strikes sa tunga it daywang nasyon.
Nag-umpisa ro tensyon ku Huwebes kat tamaan it Iranian projectile ro sangka cargo vessel sa Strait of Hormuz.
Nagbaeasuean man ro US ag Iran sa kun sin-o ro nageabag sa interim ceasefire nga una eon nga nakasugtan ku Hunyo 17.
Ku dominggo, naglunsar ro Iran it mga missile ag drone sa mga military site it US sa Kuwait ag Bahrain.
