Sangka barko ro ginadudahang bilang “floating armoury” sa Gulf of Oman ro umano’y giun-agaw it mga tawuhan it militar it Iran, suno sa maritime risk management company.
Nasayuran nga ulihing nakita ro Honduras-flagged vessel nga Hui Chuan sa 70 kilometro naaminhan-nasidlangan it Fujairah sa United Arab Emirates ku Miyerkules.
Suno sa operator it Hui Chuan, ginagamit sigon ro barko bilang floating armoury ukon imbakan it armas para sa mga private security firms nga nagaprotekta sa mga barko kontra sa mga pag-atake it mga pirata sa kadagatan.
Apang, indi pa makumpirma kun anong klase it armas ro sakay it barko ag kun sinu-sino ro naga-gamit kara.
Nauna eon nga ginreport nga ordinaryong ginagamit ro mga floating armoury vessels sa Red Sea, Gulf of Aden, ag Gulf of Oman para magserbeng drop-off ag collection point it mga armas ag ammunition para sa maritime security personnel.
