Patay ro 11 nga miyembro it sangka pamilya kaibahan eon ro daywang ka unga, sa gin eunsad nga airstrike it Israel sa Khan Younis sa Gaza.
Suno sa impormasyon it Nasser Hospital, tumama ro air strike sa mismong ginaistaran it pamilya nga naging resulta it pagkamatay it mga raya.
Nakabaton man ro ospital it masubra sa 33 nga indibidwal nga namatay sa tatlong magkasunod nga airstrike sa lugar.
Nakalista man it 16 nga namatay sa Hamad City, samtang 10 man ro patay nga nasapwan sa sangka residential building sa west portion it Khan Younis ag daywa nga patay nga eawas man ro sa south nga bahin it Rafah.
Samtang pinili man nga bumalik it pilang residente ag pamilya sa Hamad City sa pihak it pagbomba it Israeli military sa lugar.
Matandaan nga nag ugat ro giyera sa tunga it Israel ag it Gaza kat maghimo it sangka atake ro Hamas kontra sa Israel ko October 7, 2023 nga nagbuoe it haeos 1,200 nga mga sibilyan.
