Nagtaliwan sa pihak nga kinabuhi si dating AC Milan ag Italy defender Franco Baresi sa edad nga 66.
Ginkumpirma it anang dating football club ro pagkamatay it footballer.
Sambilog si Baresi sa pinaka-kilaeang player sa kasagsagan it kasikatan it soccer sa Italy ko dag-on 1980 ag 1990.
Ko nagtaliwan nga dag-on hay ginpahayag ni Baresi nga nagasirbing honorary vice president it anang dating koponan nga raya hay magapaidaeum sa operasyon para boe-on ro pulmonary nodule ag ginsuhestiyon nga magpamayad halin sa cancer specialist.
Ko Pebrero hay naging torchbearers sa Olympic flame it opening ceremony it Milan Cortina Winter Games kaibahan si dating Inter Milan ag Italy defender Giuseppe Bergomi ro anang mabuhay nga karibal sa pitch.
Ginakabig imaw bilang AC Milan icon kun sa siin naghampang sa nasambit nga team sa anang bilog nga 20 anyos nga soccer career.
Nagdaog sanda it an-um nga Series A titles ag tatlong top European trophies.
Naging captain man imaw it koponan sa 15 season bago eubusan nga magretiro ko dag-on 1997.
Matapos ro anang career hay gin-retiro ni Milan ro anang number six jersey ag imaw ro unang player sa kasaysayan it club nga makabaton it pasidungog.
