Uwa ginapaboran it Kabataan Party List ro ginaduso it gobyerno nga Maharlika Wealth Fund.
Suno kay Representative Raoul Manuel, sa kontrobersyal nga P275 milyon pesos nga MWF hay pagagamiton kara ro contributions it mga employeess sa mga financial institutions partikular sa mga government bank, SSS ag GSIS.
Ginpaathag nga mabahoe nga risgo ro ginaduso nga investment it gobyerno bangud nga kon uwa it maganar sa ulihing inadlaw hay makaeoeooy ro mga contributors nga nagasalig nga may mabueo nga pension sa andang pagretiro.
May mga abogado suno kana nga nagahambae nga uwa it kinamatarong ro gobyerno nga iinvest ro kwarta it tawo.
Inde sigon maeayo nga maparehas raya sa dating coco levi investment scam sa tyempo ni dating Pangueong Ferdinand Marcos Sr.
Kon kueangon ro mabueo sa mga financial institutions hay mabueo pa sigon it dugang maghalin sa national budget.
Ginpaathag dugang ni Manuel nga ro proposisyon hay uwa nagaangot sa presenteng problema it nasyon partikular ro pagtaas sa mga baeak-eon, kueang nga salary rate it mga empleyado ag maabong iba pa.
