KALIBO, Aklan—Ginkondena it Kabataan Partylist ro nag-eontad nga karahasan sa Banga National Highschool sa South Cotabato nga ginkamatay it tatlong ka estudyante ag maabong iba pa ro naninahan.
Suno kay Kabataan Partylist representative Atty. Renee Louis Co, dapat maging responsable ro mga gun owner kapin eon makaron nga tyempo.
Dugang pa nana nga dapat maging safe space it mga inonga ro andang panimaeay ag eskwelahan ag bukon it hilimuan it mga bayolente nga aksyon.
Nauna eon nga ginkumpirma it Department of Education (DepEd) nga empleyado it DepEd Region 12 ro ama it Grade 9 student nga eakot sa pagpamaril sa nasambit nga eskwelahan.
Dugang pa ni Atty. Co kinahang-ean nga padaeman ro imbestigasyon sa mga nag-eontad nga karahasan sa eskwelahan ag engganyuhon ro mga inonga nga may mga ahensya it gobyerno ag non-government agencies nga pwede nanda nga maeapitan sa oras it andang kinahang-ean eabi eon angot sa andang mga mental health issues ag behavioral issues.
