Nakutkot sa sangka 17th century Polish graveyard ro kalansay it ginadudahan nga “bampira”!
Natukiban ro bampira it sangka grupo it archaeologists nga ginapamunuan it Nicholas Copernicus University professor nga si Dariusz Polinski.
Sa andang pagkutkot, nakit-an nanda ro kalansay it sangka babaye nga may blade it karit sa anang leog.
Suno sa mga historian, talimad-on katong 1600s sa Poland nga kon ginadudahan nga bampira ro sangka namatay, gina-eubong raya nga may karit sa leog agud nga indi raya makabangon it uman.
Mag-eowas sa karit, may padlock sa kumaeagko nga tudlo sa siki ro nakit-an nga kalansay.
Raya hay sambilog man nga talimad-on it mga sinaunang tawo sa Poland agud nga indi eon magbalik pa sa kalibutan it mga buhi ro sangka patay.
Ko 17th ag 18th century, nauso sa Poland ro nagkaeain-eain nga talimad-on sa pag-eubong it patay bangud sa pagpati nga may “vampire outbreak” ko rato nga mga paniempo.
Apang ginpamalibaran it archaeologists nga matuod nga bampira ro nakutkot nanda nga kalansay.
Bangud nga bukon it matuod ro mga bampira.
Sa andang pagpati, kueang pa kato sa scientific knowledge ro mga tawo rason nga makakita eang sanda it bukon it ordinary sa iba, ginapasibangdan eon nanda raya bilang sangka bampira.
