KALIBO, Aklan—Nagpasa it sangka resolution si Kalibo Sangguniang Bayan member Augusto Tolentino para suportahan ro Senate Bill No. 306 nga tuyo nga mataw-an it retirement benefit ro mga opisyal it barangay sa nasyon.
Nakabaehag sa proposisyon nga pagataw-an it P100,000 nga retirement pay ro kada kuwalipikadong Barangay Chairman, P80,000 para sa mga barangay kagawad, ag tig P50,000 para sa mga Barangay treasurer, tanod, miyembro it lupon ag Barangay Health Worker ag Day Care Worker.
Nagapati si Tolentino nga mabahoe nga bulig ro nasambit nga kantidad para sa mga opisyales it barangay sa oras nga maipasa ro proposisyon.
Nasayuran nga owa it anumang retirement benefit halin sa gobyerno ro mga barangay officials sa oras nga sanda hay mag-retire sa pagserbisyo.
