Gintun-an anay ni Pangueong Rodrigo Duterte ro rekomendasyon sa e-sabong sa nasyon antes nga magta-o sa anang desisyon makaron nga adlaw.
Kasunod eon man raya sa review it pag-istudyo nga ginpatigayon it Department of the Interior and Local Government (DILG).
Ginpahayag it presidente nga anang ginmanduan si DILG Secretary Eduardo Año nga magpatigayon it survey angot sa nasambit nga industriya sa mga local units ag tipunon ro mga feedback sa mga siyudad ag mga probinsiya angot sa operasyon it online sabong.
Kon madumduman, ko Pebrero 24 hay ginpasa it Senado sa Malacañang ag Philippine Amusement and Gaming Corporation (Pagcor) ro andang resolusyon nga nagapanawagang suspensdehon ro operasyon it e-sabong.
Nag-ugat ro nasambit nga resolution sa pagkaduea it kapin sa 34 nga online cockfighters.
