Kalibo Aklan ——Ginklaro ni Ma. Carmen Ituralde it Department of Trade and Industry (DTI-Aklan) nga nagsunod ro kapin sa 100 ka mga establisyemento sa bilog nga probinsya sa ginpatuman nga 60 diyas nga price freeze sa mga nagapangunang baeak-eon.
Suno kana, uwa it namonitor nga nag-eabag sa mandato sa tunga it ginapangatubang nga krisis tuga it COVID-19 pandemic.
Base sigon sa report, nagapabilin sa dati ro presyuhanay it noodles, sardinas, kape, asukar, bottled water ag iba pa samtang nagairal ro problema sa pandemya.
Ro mga maeagkuan nga grocery stores ag supermarkets hay uwa it price increase nga natabo sa mga basic necessities kon sa siin maid-id nanda ro mga raya nga ginmonitor.
Ro mga maintok nga baealigyaan ag baraka hay uwa nanda na-monitor rason nga posibleng may pagtaas sa andang mga baligya apang bastante eamang raya nga makabawi sa andang kapital.
