-- ADVERTISEMENT --
KALIBO, Aklan–Nag-abot eon sa 16 ro nailistang fire incidents sa banwa it Kalibo umpisa Enero hasta Hulyo it makaron nga dag-on.
Sa datos nga gintau ni FO1 Rene Ajusan, arson investigator it Bureau of Fire Protection ukon BFP-Kalibo, nag-abot sa 16 ro natabu nga sunog sa kabilugan nga banwa it Kalibo kun sa siin daywa kara ro natabu makaron nga buean it Hulyo.
Kaeabanan sigon sa nasunog hay residential.
Bangud kara, uman nga nagpanawagan ro BFP sa publiko nga ipabilin adlaw-adlaw ro fire prevention agud nga malikawan ro mga sunog.
Agud nga makalikaw suno kana sa sunog ag masiguro ro kaeowasan, likawan ro octopus connection, i- unplug ro mga de kuryenteng kagamitan kon owa eon ginagamit, i– check ro hose it LPG ag iba pa.
-- ADVERTISEMENT --
