KALIBO, Aklan — Nag-abot eon sa kabilugan nga 1,820 ro nailistang kaso it dengue sa nasyon umpisa January 1 hasta August 24 it makaron nga dag-on base sa datos it Provincial Health Office (PHO).
Suno sa PHO-Aklan, ro nasambit nga numero hay mas mataas it 141 percent kumpara sa kasong nailista ko kaparehong petsa it nagtaliwan nga dag-on.
Umpisa ko Agosto 18 hasta 24, nakalista it bag-ong kaso nga 134 ag nag-abot eon sa ap-at ro patay.
Kadungan kara, padayun ro pag engganyo it PHO sa publiko nga maghimo it mga tikang agud nga malikawan ro sakit.
Kaibahan kara ro pagpatigayon it 4-S strategy agud nga malikawan ro pagkalhit it namok nga may daeang dengue virus.
Nasayuran nga nauna eon nga nagdeklara it dengue outbreak ro lokal nga gobyerno it Aklan ko nagtaliwan nga adlaw bangud sa pagtinaas it nailistang kaso kara .
Base sa record, mataas ro dengue cases sa mga banwa it Malay, Kalibo, Nabas, Libacao ag Numancia.
