NATIONAL News —Nagatanyag ro Kingdom of Jesus Christ (KOJC) it P20 million para sa makatau it impormasyon sa kun sin-o ro nag-donate it P10 million nga patong kontra kay Pastor Apollo Quiboloy.
Suno sa abogado ni Quiboloy nga si Atty. Israelito Torreon, base sa pahayag it mga opisyal it KOJC, magatau sanda it reward sa sin-o man nga makasugid kun sin-o ro nagtau it private money kay Interior Sec. Benhur Abalos agud nga madakpan ro pastor.
Pahayag kara, ro pagbaton it kwarta halin sa pribado nga tawo hay iligal kun pagabasehan ro Republic Act 6713 Sec. 7D.
Sa idaeum kara, ro mga public official ag mga empleyado hay indi dapat nga mag-solicit ukon magbaton, direkta man ukon bukon it anuman nga regalo, gratuity, pabor, entertainment, loan ukon anuman nga monetary value halin sa sangka tawo sa tiempo it andang official duties.
Dugang pa ni Torreon, tuyo it reward nga masayuran ro rason it andang kaakig kay Quiboloy ukon ro andang katuyuan ag kon may transaction sanda kay Abalos.
Gin-imbestigahan man nanda ro impormasyon nga may gina-alegar assassination team nga ginabilog kontra sa wanted nga pastor.
