Emusyonal ro NBA superstar nga si Klay Thompson matapos nga sumaka eon sa NBA Finals ro Golden State Warriors matapos nga ginlampaso sa serye sa 4-1 record kontra sa karibal nga Dallas Mavericks.
Una kara sa Game 5, gindispatsa it Warriors ro Mavs sa score nga 120-110.
Para kay Thompson, nga kung siin ro naging leading scorer sa hampang nga nakalista it 32 points kamana eon ro record nga waeo nga 3-pointers, gihambae kara nga maeagko nga bagay ro pagbalik nanda sa Finals.
Mataeopangdan nga naging emosyunal si Thompson bangud sa daywang season man nga owa imaw nakahampang tuga it grabe nga injury nga naangkon.
Samtang, ku nagtaliwan pang 2019 ro ulihi nga naging hampang it Warriors sa finals apang natigayon nga mapiyerde sanda it Toronto Raptors.
Sa waeong dag-on nga nagtaliwan, an-um nga beses man nakaabot sa Finals ro Warriors.
