KALIBO, Aklan–Ginpaathag ni Atty. Harry Sucgang, sangka political analyst sa Aklan nga ro konsepto makaron it daeagan it pamulitika hay padaog rason nga ro masami nga nagadaog hay ro maabong kwarta ag pamilya.
Raya hay kasunod it paaeabuton nga barangay ag sangguniang kabataan eleksyon sa buean it Oktobre.
Ro kaeabanan suno kana hay uwa eon nagatan-aw kon kwalipikado sa posisyon ro nagadaeagan nga kandidato.
Sambilog sa mga factor sigon nga ginatan-aw sa patag it pulitika hay kon may kwarta ro kandidato ag suportado it partido.
Makasueobo suno kana nga sa barangay level pa eamang hay may nagakatabo eon nga corruption bangud nga ginatun-an kara ro mga nagadaeagan pa eamang it sangguniang kabataan.
Nagakatabo suno kana ro paglagay sa mga pamatan-on ag ro paghousing sa mga raya antes nga umabot ro adlaw it eleksyon ag hakuton paadto sa lugar it botohan.
Ginpadumdom man nana ro publiko nga maging responsableng botante sa paaeabuton nga eleksyon.
