Umabot eon sa P841 milyon ro nabalik sa gobyerno angot it imbestigasyon sa anomaly sigon sa mga flood control project, suno sa Department of Justice (DOJ).
Base sa datos it DOJ, ro haegang nabalik sa paagi it Land Bank of the Philippines hasta Hunyo 3 hay ginpadaea eon sa Bureau of the Treasury (BTr).
Ro pondo hay maghalin sa ap-at nga indibidwal nga ginbaton sa Witness Protection Program (WPP).
Pinakamabahoe ro nabalik ni dating Department of Public Works and Highways (DPWH) Undersecretary Roberto Bernardo nga P500 milyon, ginsundan ni dating Bulacan District Engineer Henry Alcantara nga P181.4 milyon, ginsuspindeng National Capital Region District Engineer Gerard Opulencia nga P140 milyon, ag SYMS Construction Trading owner Sally Santos nga P20 milyon.
Nag-umpisa ro proseso it restitution ku Nobyembre it nagtaliwan nga dag-on kat i-uli ni Alcantara ro unang P110 milyon, nga parte sigon it nabaton nana nga kickback halin sa mga proyektong pang-imprastraktura sa Bulacan.
Kasunod it panawagan ni Pangeong Ferdinand Marcos Jr. sa anang panglimang State of the Nation Address (SONA), ginsigurado it DOJ nga makikipag-angot raya sa Office of the Ombudsman sa pagpadayon it pagbawi it mga pondong may kaangtanan sa nasambit nga kaso.
