Opisyal eon nga ginpakilaea it Philadelphia 76ers si NBA superstar LeBron James bilang pinakabag-ong miyembro it koponan.
Kadungan it anunsyo, ginpakita it Sixers ro jersey ni LeBron nga may numerong 23, nga uman nana nga igasuksok sa bag-ong chapter it anang karera.
Suno kay Sixers Managing Partner Josh Harris, mabahoe nga dungog para sa koponan ro pag-abot ni LeBron.
Ginaeauman sigon nanda nga makabulig ro beteranong basketball player agud nga maibalik it koponan sa tsansa kara para sa kampeonato kaibahan sanday Joel Embiid, Tyrese Maxey, Jaylen Brown, ag VJ Edgecombe.
Sa edad nga 41, handum ni LeBron nga maging kauna-unahang player sa kasaysayan it NBA nga magdaog it kampeonato sa ap-at nga magkakaiba nga koponan. Dati eon imaw nga nagkampeon sa Miami Heat, Cleveland Cavaliers, ag Los Angeles Lakers.
Ginpahayag ni LeBron nga nagapati imaw nga may ikasarang ro 76ers nga uman nga maging kampeon.
Ulihing nagkampeon ro Philadelphia 76ers ko 1983, ukon masobra sa ap-at nga dekada eon ro nagtaliwan.
Samtang, ginpahayag ni Sixers President of Basketball Operations Mike Gansey nga si LeBron hay sambilog sa pinakamayad nga player sa kasaysayan it basketball ag ginaeauman nga makaangkon it mabahoe nga kontribusyon sa koponan sa sueod ag guwa it court.
